ყველასათვის ცნობილმა და საყვარელმა სილამაზის ცენტრმა „ისი-პარიმ“ რებრენდინგი განიცადა და ერთგულ მომხმარებლებს „ნიუ პარიზის“ სახელით დაუბრუნდა.

ნიუ პარიზს ხანგრძლივი და საინტერესო ისტორია აქვს. ისი-პარის სახელით ცნობილი სილამაზის ცენტრი 1998 წელს დაარსდა . ის იყო თანამედროვე სტანდარტების მქონე პირველი სილამაზის ცენტრი თბილისში, რომელიც უკვე 25 წელზე მეტია პოზიციონირებს ბაზარზე. ისი-პარიმ რებრენდინგი განიცადა და ნიუ პარიზის სახელით დაუბრუნდა მომხმარებლებს. ნიუ პარიზი გვთავაზობს ყველა იმ სერვისს, რომელიც სილამაზის ინდუსტრიაში მოთხოვნადი და პოპულარულია.

აქ მომხმარებლებს შეუძლიათ ჩაიტარონ თმის, ფრჩხილისა და მაკიაჟის მრავალფეროვანი პროცედურა, რომელიც მათ პერსონალურ საჭიროებებზეა მორგებული, ასევე, შეუძლიათ ისარგებლონ თანამედროვე, კლასიკური და ინექციური კოსმეტოლოგით.

ნინო ბოკუჩავა, ნიუ პარიზის დამფუძნებელი და დირექტორი ჩვენთან საუბრისას აღნიშნავს, რომ სალონი მომხმარებელს სთავაზობს ყველა სახის სერვისს, თმის ქიმიური დასწორების და დახვევის გარდა- „თმის ქიმიური დასწორებისა და დახვევის პროცედურები განსაკუთრებულ მიდგომას საჭიროებს, პროცედურისას გამოყენებული მასალები შეიცავენ დიდი რაოდენობით ქიმიურ ნივთიერებებს, აღნიშნული პროცედურის არასათანადო პირობებში ჩატარება, კი არღვევს სხვა მომხმარებლების უფლებებს და ზიანს აყენებს მათ ჯანმრთელობას. ზემოაღნიშნული პროცედურები აუცილებელია ჩატარდეს ინდივიდუალურად, შესაბამის გარემოში".

ხარისხი, უსაფრთხოებისა და სტერილიზაციის ნორმების ზედმიწევნით დაცვა, ამასთანავე, ადამიანებისა და გარემოს სიჯანსაღეზე ზრუნვა არის ის მთავარი მახასიათებლები, რომლებიც ნიუ პარიზს ბაზარზე არსებული სხვა სილამაზის ცენტრებისაგან განასხვავებს. განსაკუთრებული ყურადღებითა და სიფრთხილით მუშავდება პროცედურებისთვის საჭირო მასალები, სალონში გამოიყენება სპეციალური კარადა- სტერილიზატორი, მრავალჯერადად გამოსაყენებელი პირსახოცებისა და სხვა მასალის დასამუშავებლად. იმის გათვალისწინებით, რომ ინფექციების გადატანის მხრივ, ყველაზე მეტად საფრთხის შემცველია ფრჩხილის მოვლის პროცედურები, მანიკურ-პედიკურის ხელსაწყო/ინსტრუმენტები 5 ეტაპიან სტერილიზაციას გადიან,ავტოკლავიდან ულტრაიისფერ კარადამდე; სავარცხლები და თმის მოვლისთვის საჭირო ხელსაწყო-ინვენტარი თავსდება თითოეული სპეციალისტისთვის ცალკე გამოყოფილ ულტრაიისფერ უჯრაში. „განსაკუთრებულ ყურადღებას ვუთმობთ მომხმარებლებისა და ჩვენს ცენტრში დასაქმებული ადამიანების უსაფრთხოებაზე ზრუნვას. ამის დასტურია ის, რომ გავლილი გვაქვს სახელმწიფო უსაფრთხოების მონიტორინგი შესაბამისი დასკვნით, ასევე, აქტიურად ვართ ჩართული ნარჩენების მართვის პოლიტიკაში და ვცდილობთ, ვიზრუნოთ პლანეტის გაჯანსაღებაზე.

სალონში უსაფრთხოების ზომები დაცულია ძალიან მაღალ დონეზე და შეიძლება ითქვას, რომ სილამაზის ცენტრებისთვის ამჟამად დადგენილ უსაფრთხოების სტანდარტებსაც კი ვუსწრებთ. ამასთანავე, ვიყენებთ მხოლოდ ბიოდეგრადირებად, უამიაკო და ვეგანურ პროდუქციას, რომელთა უსაფრთხოებაც ISO-ის სერტიფიკატითაა დადასტურებული“-აღნიშნავს სალონის დამფუძნებელი. ნიუ პარიზი მომხმარებლებს სილამაზის ინდუსტრიაში არსებულ თანამედროვე ტენდენციებსა და ინოვაციურ მიდგომებს სთავაზობს. „არ გვაქვს უფლება რომ ჩამოვრჩეთ სიახლეებს, ამიტომ ევროპულ ბაზრებთან, განსაკუთრებით საფრანგეთთან, გერმანიასთან და ლონდონთან, მუდმივად მაქვს კავშირი. ამასთანავე, თვალ-ყურს ვადევნებთ და ვაკვირდებით მსოფლიოს ისეთ წამყვან სალონებს, როგორებიცაა: TONY & GUY, Llongueras ,Dessange და სხვა. ნიუ პარიზში დღემდე ყველაზე პოპულარული და მოთხოვნადია თმის შეღებვისა და შეღებილი თმის მოვლის სპა პროცედურები,რაც განპირობებულია იმით, რომ გუნდის პროფესიონალები, სისტემატიურად იმაღლებენ კვალიფიკაციას საფრანგეთში. უსაფრთხოება, ხარისხი, პრივატული გარემო და ინდივიდუალური მიდგომა არის ის მთავარი მახასიათებლები, რის გამოც მომხმარებელი განსაკუთრებულ ნდობას უცხადებს ნიუ პარიზს.

განსაკუთრებით ხაზგასასმელია ის ფაქტი, რომ სალონი HC&PS SSO პარტნიორია. ნიუ პარიზს პროფესიული განვითარების სფეროში შეტანილი წვლილისთვის სპეციალური სერტიფიკატი გადაეცა.

სილამაზის ცენტრი პასუხობს თანამედროვე მომხმარებლების მოთხოვნებს და აქტიურად იყენებს პირველ ქართულ ონლაინ ჯავშნების პლატფორმა ბუქინგჰაბს. აღნიშნული სისტემა, როგორც თავად სალონის წარმომადგენელი აღნიშნავს, მორგებულია ბიზნესსა და მომხმარებელზე, ის მეტად კომფორტულს ხდის სერვისს და ხელს უწყობს ბიზნესს, მნიშვნელოვანი ნაბიჯები გადადგას წარმატებისკენ მიმავალ გზაზე. ამასთანავე, უცხოეთში მცხოვრები მომხმარებლები აქტიურად და ეფექტურად იყენებენ ბუქინგჰაბს სასურველი პროცედურის დაჯავშნის მიზნით. ნიუ პარიზს საინტერესო და გრძელვადიანი სამომავლო გეგმები აქვს. უახლოეს პერიოდში დაგეგმილია მოკლევადიანი სასწავლო/ საავტორო კურსების შექმნა მაკიაჟის, თმისა და ფრჩხილის მოვლის მიმართულებით. ასევე, რეგიონების განვითარებისათვის იგეგმება სხვადასხვა ქალაქში ახალი ფილიალების და პროფესიული გადამზადების კურსების დანერგვა.