გაზაფხული ბევრისთვის ერთ-ერთი საყვარელი წელიწადის დროა, რადგან ის ტემპერატურის მატებასთან, დღის ხანგრძლივობის ზრდასთან, და ზოგადად, განახლებასთან და ენერგიების აღდგენასთან ასოცირდება. თუმცა, ამ პერიოდს არაერთი არც თუ ისე სასიამოვნო მოვლენები ახლავს თან, მათ შორის ერთ-ერთი ყველაზე გავრცელებული პრობლემა არის გახშირებული თმის ცვენა.
რა იწვევს გაზაფხულზე თმის ცვენის?
მნიშვნელოვანია, ვიცოდეთ, რომ თმის ცვენა ყოველდღიურად ბუნებრივი მოვლენაა. ნორმად ითვლება დღეში 30-დან 100-მდე თმის ღერის დაკარგვა. თუმცა, თუ დაკარგული თმის ღერების რაოდენობა 100-ს აღემატება, მაშინ ეჭვი ჩნდება ალოპეციაზე. ამ შემთხვევაში უნდა გვახსოვდეს, რომ თმის ცვენა განსაკუთრებით აქტიურ ფაზაში შედის სეზონის ცვლილებასთან ერთად, გასნაკუთრებით შემოდგომასა და გაზაფხულზე.
თმის ცვენა გაზაფხულზე, ასევე, ცნობილი, როგორც სეზონური თმის ცვენა, საკმაოდ გავრცელებული და შემაწუხებელი პრობლემაა როგორც ქალებში, ისე მამაკაცებში. გაზაფხულის პერიოდში თმის ცვენის სიხშირის ზრდის მთავარი განმაპირობებელი არის ის, რომ ამ დროს თმის ფოლიკულები გადადიან დასვენების ფაზაში, რაც იწვევს თმის ცვენას იმაზე უფრო ხშირად, ვიდრე ჩვეულებრივ.
თმის ცვენა არაერთმა ფაქტორმა შეიძლება განაპირობოს, მათ შორისაა: სტრესი, დეპრესია, რთული ოპერაცია, სხვადასხვა მედიკამენტები, მკაცრი დიეტები, სხვადასხვა ქრონიკული დაავადება. ამავდროულად, თმის ცვენას აპროვოცირებს ზოგიერთი ვარცხნილობა განსაკუთრებით ისეთი, რომლის დროსაც თმის ღერის მაქსიმალურად დაჭიმვა ხდება.
გაზაფხულზე თმის ცვენის ერთ-ერთი ძირითადი გამომწვევი მიზეზი ხდება ავიტამინოზი. ამასთანავე, , ზამთარში გადატანილი არაერთი ვირუსი ახდენს გავლენას ადამიანის ჯანმრთელობაზე, სუსტდება იმუნიტეტი და იფიტება ორგანიზმი.
საუკეთესო საკვები პროდუქტები თმის ცვენის პრევენციისთვის
მინერალებისა და ვიტამინების ნაკლებობამ ასევე შეიძლება გახდეს თმის ცვენის ერთ-ერთი ძირითადი გამომწვევი ფაქტორი. ექიმები გვირჩევენ, რომ ხშირად მივირთვათ ისეთი პროდუქტები, რომლებიც გაჯერებულია რკინით, ომეგა 3 ცხიმოვანი მჟავებით, თუთიით, ბიოტინით, სელენიუმითა და B5 ვიტამინით. ამასთანავე, ცილის, წყლისა და სხვადასხვა ანტიოქსიდანტების ზომიერად მიღება მნიშვნელოვანია ჯანსაღი თმისთვის.
გიზიარებთ იმ პროდუქტთა მცირე ჩამონათვალს, რომელთა ყოველდღიურ საკვებ რაციონში ჩართვაც დაგეხმარებათ ჯანსაღი თმის შენარჩუნებაში:
• პარკოსნები და კვერცხი-ისინი დიდი რაოდენობით ცილას შეიცავენ
• თხილეული-ჯანსაღი ცხიმების საუკეთესო საბადოა
• შვრია-მდიდარია რკინით, თუთიით და ბიოტინით
• ორაგული-დიდი რაოდენობით შეიცავს ომეგა 3-ის ცხიმოვან მჟავებს
• გარგარი-B5 ვიტამინის ერთ-ერთი მნიშვნელოვანი წყაროა
• პომიდორი, მოცვი და პაპაია- ანტიოქსიდანტების მნიშვნელოვანი საბადოა.
როდესაც შეამჩნევთ, რომ თმის ცვენის სიხშირე საგრძნობლად იზრდება, პირველი ნაბიჯი, რაც უნდა გადადგა, არის ის, რომ გაიკეთე სისხლის ანალიზი. ამით შესაძლებლობა გექნება გაარკვიო, რომელიმე ვიტამი ის დცეფიციტს ხომ არ განიცდის შენი ორგანიზმი. იმ შემთხვევაში, თუ ჯანსაღად იკვებები, ყველა აუცილებელ ვიტამინს და მინერალს იღებ და სწორ პროდუქტებს იყენებ თმის მოსავლელად, მაგრამ, თმის ცვენა მაინც მნიშვნელოვან პრობლემად რჩება ჩვენთვის, მაშინ აუცილებლოად მიმართე სპეციალისტს.
თმის ცვენის პრევენციისთვის ჯანსაღ დაბალანსებულ კვებასთან ერთად დიდი მნიშვნელოვანი ადგილი ენიჭება ჯანსაღი ცხოვრების წესს. ამავდროულად, აუცილებელია სწორად მოხდეს თმის მოვლის საშუალებების შერჩევა. ამ პრობლემის დროს ასევე, რეკომენდებულია ვიტამინების კომპლექსების მიღება, რომლებიც გააძლიერებს და გააჯანსაღებს თმის ღერს.
გაითვალისწინეთ, რომ როდესაც თმის მოვლის საშუალებების შერჩევას დაიწყებთ, უპირატესობა მიანიჭეთ ისეთ ბრენდებს, რომლებიც ბაზარზე ხარისხითა და სანდოობით გამოირჩევიან.
