სასურველ დროს, სასურველ პროცედურაზე საყვარელ სპეციალისტთან მანუალურად ჩაწერას არაერთი პრობლემა და ხარვეზი ახლავს თან, რაც ბევრ გაურკვევლობას და მომხმარებლის უკმაყოფილებას იწვევს. მანუალური ჩაწერისას შესაძლოა აირიოს გრაფიკი, მოხდეს მომხმარებლის შეცდომით დაფიქსირება ან პროცედურის არასწორად არჩევა.
მომხმარებლის შემოსული ზარისა და წერილობითი შეტყობინების სახით პროცედურებზე ჯავშნების მოთხოვნა, განსაკუთრებით დღესასწაულებზე, როდესაც სილამაზის სალონებში ჩაწერის მსურველთა რაოდენობა მკვეთრად იზრდება, ხშირად იწვევს გაურკვევლობას, ქაოსსა და გარკვეული სახის შეცდომებსაც კი.
დღეს ახალი, გონიერი ტექნოლოგიების განვითარება და დღითიდღე უფრო და უფრო დახვეწა გვაძლევს იმის საშუალებას, რომ ეს ქაოსური პროცესი მაქსიმალურად გავამარტივოთ და კომფორტულთან ერთად სასიამოვნოც გავხადოთ როგორც მომხმარებლებისთვის, ისე თავად სილამაზის ინდუსტრიაში მოქმედი კომპანიებისთვის.
ონლაინ ჯავშნების სისტემებმა სილამაზისა და ესთეტიკურ ცენტრებს მისცა საშუალება, რომ მომხმარებლებმა თავად გადაწყვიტონ როდის, რომელ პროცედურაზე და ვისთან ჩაეწერებიან. ეს კი ზოგავს ადამიანურ რესურსს და იძლევა იმის საშუალებას, რომ დაზოგილი დრო და ენერგია მოხმარდეს ბიზნესის განვითარებას.
ესთეტიკურ ცენტრებში ადგილის ონლაინ რეზერვაცია უზრუნველყოფს მომხმარებლის ინფორმირებულობას პროცედურის ფასისა და ხანგრძლივობის შესახებ. ასევე, კონკრეტულ პროცედურაზე ჩაწერის მსურველებს აქვთ საშუალება ნებისმიერ დროს ნებისმიერი ადგილიდან თავადვე დაჯავშნონ ადგილი სასურველ ესთეტიკურ ცენტრში.
პროცედურაზე ჩაწერილი მომხმარებლის არმისვლა და პროცედურის გაუქმება არის ერთ-ერთი უდიდესი პრობლემა სილამაზის ინდუსტრიაში. ონლაინ ჯავშნები კი გვაძლევს ამგვარი ფაქტების მინიმუმამდე შემცირების შესაძლებლობას. ონლაინ რეზერვაციის პლატფორმების გამოყენებისას მომხმარებელს ეგზავნება შემახსენებელი შეტყობინებები, რაც უზრუნველყოფს აღნიშნული პრობლემის მოგვარებას.
მნიშვნელოვნად არის დაკავშირებული შემოსავლების ზრდა საკუთარ ბიზნესში ონლაინ ჯავშნების დანერგვასთან. ის ბიზნესებს აძლევს საშუალებას მეტად დაუახლოვდნენ თავიანთ მომხმარებლებს და გაუმარტივონ ყოველდღიურობა, რაც ზრდის ხელმისაწვდომობას და კმაყოფილ მომხმარებელთა რაოდენობას.
ონლაინ რეზერვაცია ეფექტურობის განმაპირობებელი არა მხოლოდ პროცედურაზე ჩაწერის პროცესს გამარტივებაა, არამედ, გადახდის სერვისებსაც მეტად კომფორტულობა.
ონლაინ ჯავშნების დანერგვას სილამაზის სალონებსა და ესთეტიკურ ცენტრებში შეიძლება ვუწოდოთ ციფრული ტრანსფორმაცია სილამაზის ინდუსტრიაში. დაჯავშნის სისტემების მოქნილობა კომფორტულობის, სამუშაო დროის მენეჯმენტისა და მომხმარებლის გამოცდილების გაუმჯობესებასთან ერთად უზრუნველყოფს მომხმარებლის ერთგულების, კმაყოფილებისა და ბიზნესის შემოსავლების ზრდას.
