.png)
თბილისში ერთ-ერთი ყველაზე პოპულარული ქოლორ სტუდია Pliev's Studio ნიკა პლიევმა დააარსა 7 წლის წინ, სტუდიის სახელიც დამფუძნებლის გვარიდან მომდინარეობს.
პლიევის სტუდია მომხმარებლებს სთავაზობს შემდეგი სახის მომსახურებას:
- თმის პროცედურები;
- სპა პროცედურები;
- მანიკური;
- პედიკური;
- წარბის მოვლა;
- პერმანენტული მაკიაჟი
ქოლორ სტუდიაში ყველაზე დიდი პოპულარობითა და მოთხოვნადობით გამოირჩევა თმის შეღებვის პროცედურები, რაც გასაკვირი არ არის.
თმის შეღებვა, როგორც ცნობილია , განსაკუთრებულ პროფესიონალიზმს, შესაბამის მიდგომასა და საჭირო ტექნიკების ცოდნას მოითხოვს. პლიევის სტუდიაში მისულ მომხმარებელს კი ხვდება გამოცდილი გუნდი, რომელსაც პროფესიონალურ დონეზე აქვს აყვანილი თავისი საქმიანობა და, ამავდროულად, ისინი პროცედურებისას მხოლოდ უმაღლესი ხარისხის ლუქს ხაზის პროდუქციას იყენებენ. ეს ყველაფერი კი განაპირობებს მომხმარებლის განსაკუთრებულ ნდობას მათ მიმართ.
.png)
იმისათვის, რომ პლიევის სტუდიის მომხმარებლები არ ჩამორჩნენ სიახლეებს და მუდმივად უახლესი ტენდენციების საქმის კურსში იყვნენ, სტუდიის გუნდი ყოველწლიურად ევროპის წამყვან ქალაქებს სტუმრობს კვალიფიკაციის ასამაღლებლად, სიახლეების შესასწავლად და დასანერგად: „ ჩვენ ყოველწლიურად, შესაძლოა წელიწადში რამდენჯერმეც, ვუშვებთ ჩვენს სპეციალისტებს საზღვრებს მიღმა, ხშირად დადიან ისინი იტალიაში , სადაც ტრენინგდებიან და ჩამოაქვთ სიახლეები“- აღნიშნავს პლიევის სტუდიის მენეჯერი ჩვენთან საუბრისას.
რაც შეეხება პროცედურებისას გამოყენებულ პროდუქციას, პლიევის ქოლორ სტუდიაში შეხვდებით ისეთ ბრენდებს, რომლებიც ყველგან არ გვხვდება, ესენია: Moroccanoil, Philip Martin's, Leonor Greyl, VITALITY’s.
მეგობრული, თბილი, ოჯახური გარემო, ხარისხზე ორიენტირება და ეკომეგობრული პროდუქციის აქტიური გამოყენება განაპირობებს მომხმარებლების განსაკუთრებულ სიყვარულს პლიევის სტუდიის მიმართ. ამასთანავე, ქოლორ სტუდიაში ვიზიტს განსაკუთრებით მოსახერხებელსა და კომფორტულს ხდის ონლაინ ჯავშნების სისტემის დანერგვა და აქტიურად გამოყენება, რომლის საშუალებითაც სტუდიის მომხმარებელს აქვს შესაძლებლობა ბუქინგჰაბზე სწრაფად და კომფორტულად დაჯავშნონ მათთვის სასურველი პროცედურა მოსახერხებელ დროს.
რაც შეეხება სამომავლო გეგმებსა და სიახლეებს, პლიევის სტუდია ახლო მომავალში აპირებს ონლაინ დაამატოს გასაყიდი პროდუქცია და ამით თავის მომხმარებელს შეუქმნას მაქსიმალური კომფორტი და საუკეთესო გამოცდილება.
